Беларусбанк прэзентаваў "Каляндар добрых ініцыятыў" на 2026 год
26.12.2025 | 09:00
Тэмай для новага календара сталі дабрачынныя праекты Беларусбанка. У скарбонцы добрых спраў банка з лёгкасцю знойдзецца, пра што расказаць у кожным месяцы новага года. Рэтра-настальгічны стыль малюнкаў абраны невыпадкова - немудрагелістыя выявы нібы сышлі са старонак дзіцячых казак і дапамагаюць пагрузіцца ў атмасферу чараўніцтва і цудаў.
Кожная старонка - ад ідэі да ілюстрацый - цалкам створана супрацоўнікамі Беларусбанка і мае глыбокае значэнне.
Беларусбанк - гэта не толькі найбуйнейшая фінансавая ўстанова краіны, але таксама ініцыятар маштабных сацыяльна значных праектаў. Калектыў банка ставіць мэтай зрабіць усё магчымае, каб кожны беларус адчуваў клопат і ў любы момант мог далучыцца да агульнага руху дабрыні.
- Калі мы ахвяруем грошы на дабро, яны набываюць сапраўдны сэнс, даюць штуршок рухацца далей. У гэтым наша сіла. Давайце разам карыстацца ёй, накіроўваючы нашы рэсурсы, вялікія і маленькія, туды, дзе яны прынясуць рэальную карысць, падораць надзею, зменяць жыццё да лепшага, - падзяліўся думкамі намеснік старшыні праўлення Беларусбанка Дзмітрый Краскоўскі. – Памятайце: добрыя справы, якія мы робім кожны дзень, - гэта і ёсць перспектыўныя інвестыцыі ў будучыню нашай краіны.
Цытаты беларускіх класікаў сталі завяршэннем цэласнай карціны - каляндар атрымаўся па-сапраўднаму душэўны, напоўнены сэнсамі і беларускім каларытам.
Калектыў банка спадзяецца, што яму ўдалося перадаць прыгажосць і характар сацыяльных праектаў, і на працягу года каляндар будзе натхняць на новыя карысныя справы.
Паглядзець або скачаць карпаратыўны каляндар Беларусбанка на 2026 год можна па спасылцы.
Давайце рабіць дабро разам!
Упраўленне камунікацый, маркетынгу і рэкламы
Падпісвайцеся на акаўнты Беларусбанка ў Telegram і Instagram - першымі даведвайцеся пра падзеі найбуйнейшага банка краіны і галоўныя тэндэнцыі свету фінансаў.
